Satunggaling pamanggih, kangge pengeling-eling sekar macapat (11 sekar) ingkang nggambaraken cakramanggilinganing tiyang (daur hidup), saking lair ngantos pejah. Bab menika namung satunggaling usul, bokmenawi taksih wonten pamanggih sanesipun. Sedaya kedah dipunkurmati, amrih gampil mangertosipun.
- Bayi lair, nami tembangipun : mijil
- Bayi saya ageng prelu dipunlatih mlampah, nami tembangipun : kinanthi
- Tuwuh dados temaja, nami tembangipun si enom : sinom
- Menawi enem nandhang asmara, nami tembangipun : asmaradana
- Asmara menika endah, manis, nami tembangipun : dhandhanggula
- Asmara ingkang nyawiji (gambuh) mbangun kulawarga, nami tembangipun: gambuh
- Gesang tansaya sepuh, penggalihanipun dereng menep antawisipun nepsu kadonya lan akherat, taksih kambang-kambang, nami tembangipun : maskumambang
- Penggalihipun wiwit condhong dhateng kapentingan uhkrowi utawi akherat, nami tembangipun : durma
- Yuswa sepuh, penggalihipun saya ngungkuraken kadonyan, nami tembangipun : pangkur
- Tiyang seda menika pegat/pedhot ruhipun/nyawanipun, nami tembangipun: megatruh
- Mayit dipunbuntel dados pocong, nami tembangipun : pucung
Sumber:
Saputra, K.H. 2001. Sekar Macapat. Jakarta: Wedatama Widya Sastra.
0 komentar:
Posting Komentar